Martın 18-nə keçən gecə İsrail ordusu iki aylıq barışıqdan sonra HƏMAS-a qarşı hərbi əməliyyatları bərpa edib.
Demokratikmusavat.com xarici KİV-ə istinadla xəbər verir ki, ilkin məlumatlara görə, 200-dən çox insan həlak olub.
Bildirilir ki, israil təyyarələri Qəzza zolağına ən azı 35 zərbə endirib.
Hava hücumlarından biri Qəzza zolağının cənubundakı əl-Məvasi bölgəsindəki qaçqın düşərgəsinə endirilib.
Ölənlər arasında HƏMAS siyasi büro üzvü Əbu Ubeydə əl-Cəmasi, Qəzzanın daxili işlər nazirinin müavini general-mayor Mahmud Əbu Vətfa var.
Məlumata görə, zərbələr Benyamin Netanyahu və müdafiə naziri İsrael Katzın girovları qaytara bilməməsi ilə əlaqədar HƏMAS-a qarşı güclü addım atmaq əmrindən sonra baş verib.
Həmidə İbrahimova
