Bu gün Azərbaycanda ikinci Qədr (əhya) gecəsidir.
Yenicag.az xəbər verir ki, ikinci Qədr gecəsi martın 20-dən 21-nə keçən gecəyə təsadüf edir.
Üçüncü Qədr gecəsi martın 22-si, sonuncusu isə 26-da olacaq.
Qeyd edək ki, Qədr gecəsi “Quran”ın nazil olduğu gecədir. “Qurani-Kərim” İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.
Onu da bildirək ki, ilk Qədr gecəsi Ramazan ayının 18-ci gününə, yəni martın 18-dən 19-na keçən gecəyə təsadüf etmişdi.
Xatırladaq ki, martın 30-u Azərbaycanda Ramazan bayramı kimi qeyd olunacaq.
