1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ağ Ev rəhbəri Donald Trampın Qrenlandiyanı ABŞ-yə birləşdirmək planı ciddidir".
Oxu.Az "RİA Novosti"yə istinadən xəbər verir ki, bunu Rusiya Prezidenti Vladimir Putin "Arktika - dialoq ərazisi" beynəlxalq Arktika forumunda çıxışı zamanı deyib.
"Söhbət ABŞ tərəfinin Qrenlandiya ilə bağlı ciddi planlarından gedir", - o qeyd edib.
Putin bu planların tarixi köklərinin olduğunu vurğulayıb.
"Güman etməyin ki, adanın ABŞ-yə birləşdirilməsi ideyası sadəcə ekstravaqant bəyanatdır… Vaşinqton regiondakı maraqlarını irəli sürməyə davam edəcək", - Rusiya lideri aydınlıq gətirib.
Daha əvvəl Tramp bildirmişdi ki, Qrenlandiya ABŞ-yə beynəlxalq təhlükəsizlik üçün lazımdır.
