1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Episentri Myanmada olan güclü zəlzələnin hiss edildiyi Tailandın Banqkok şəhərində yeraltı təkanlarla bağlı daha bir görüntü paylaşılıb. Kadrlar çoxmərtəbəli binada çəkilib. Video bir qrup inisanın həyatları uğrunda mübarizəsini göstərir. Bina çatlamağa və divar parçaları uçmağa başlayanda işçilər 25-ci mərtəbədə olublar.
Oxu.Az-ın verdiyi məlumata görə, video fəhlələrdən birinin telefonu ilə çəkilib.
Dramatik videoda ətraflarında beton və suvaq parçaları tökülən zaman bina sakinlərinin və fəhlələrin tələsik və panika içində pilləkənlərlə endikləri görünür. Bəziləri qırıntılardan xəsarət almaqdan güclə qurtulurlar. Qışqırıqlar və sakitliyə çağırışlar eşidilir.
Xoşbəxtlikdən, bina davam gətirib və bütün insanlar təhlükəsiz şəkildə təxliyə olunublar.
Xatırladaq ki, martın 28-də Myanma ərazisində güclü zəlzələ baş verib. Tailand Meteorologiya Departamentinin məlumatına görə, zəlzələnin maqnitudası 7.9 bal təşkil edib. Zəlzələdən, həmçinin Tailand zərər çəkib, təkanlar Çin və Vyetnamda da hiss edilib. Banqkokda baş verən zəlzələ nəticəsində ölənlərin sayı bazar günü 18 nəfərə çatıb, 76 nəfər isə itkin düşmüş hesab edilir.
