AZ

Sumqayıtda yataqxanada yanğın olub: Sakinlər təxliyə ediliblər

1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.



Fövqəladə Hallar Nazirliyinin (FHN) "112" qaynar telefon xəttinə Sumqayıt şəhəri, 14-cü məhəllədə yerləşən yataqxana binasında yanğın baş verməsi barədə məlumat daxil olub.
Oxu.Az xəbər verir ki, bu brədə FHN məlumat yayıb.
Məlumatla əlaqədar FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri əraziyə cəlb olunub.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində dördmərtəbəli yataqxana binasının dördüncü mərtəbəsinin dəhlizində baş vermiş yanğın genişlənməsinə, o cümlədən otaqlara keçməsinə imkan verilmədən qısa müddətdə söndürülüb.
Yanğın nəticəsində binanın dördüncü mərtəbəsinin dəhlizində 30 p.m. elektrik kabeli, 10 kv.m. sahədə dolab və əşyalar, bir ədəd pəncərə çərçivəsi və bir otağın qapısı qismən yanıb.
Təhlükəsizlik tədbirləri çərçivəsində 14 nəfər bina sakini təxliyə edilib.
Yataqxana binası və otaqlar yanğından mühafizə olunub.
Seçilən
0
33
oxu.az

10Mənbələr