1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Prezidenti Donald Tramp Birləşmiş Ştatların konstitusiyasına 22-ci düzəlişdəki hüquqi boşluqdan istifadə edərək prezident postunda üçüncü müddətə qala bilər.
Oxu.Az-ın məlumatına görə, bu barədə "Bloomberg" agentliyi yazır.
"Donald Tramp həqiqətən ikinci müddəti bitdikdən sonra yenidən prezident ola bilərmi? Cavab, çox güman ki, müsbətdir", - deyə məqalədə yazılıb.
Müəllifin sözlərinə görə, prezident ABŞ konstitusiyasına 22-ci düzəlişin mətninə əsasən, bir müddətdən artıq xidmət edə bilər. Belə ki, sənəddə "heç bir şəxs prezident vəzifəsinə iki dəfədən çox seçilə bilməz" deyilir, şəxsin bu vəzifədə iki dəfədən çox xidmət edə bilməyəcəyi isə deyilmir.
"Tramp 2029-cu ildə vitse-prezident postu vasitəsilə Oval kabinetə qayıda bilər. Hazırkı vitse-prezident Cey Di Vens prezidentliyə namizədliyini irəli sürür, Tramp isə onun tərəfdaşı olur. Seçildikdən və and içdikdən sonra Vens istefa verə bilər, bu da Trampa prezident postunu tutmağa imkan verəcək. 22-ci düzəliş Trampın prezident postunu tutmasına mane olmayacaq", - deyə nəşrdə vurğulanıb.
