Vurulan qızdırma iynəsindən övladının iflic olduğunu iddia edir.
Xezerxeber.az-ın xəbərinə görə, 4 yaşlı Uğur Xankişiyevin valideyni deyir ki, uşağın qızdırması qalxdığı üçün təcili tibbi yardım çağırıb. Gələn həkimlər Uğuru Yasamal klinik uşaq xəstəxanasına aparıblar. 3 gündən sonra evə buraxılacağı deyilən azyaşlının vəziyyəti vurulan iynədən sonra pisləşib.
Valideyn iddia edir ki, uşağın yaxşı olmadığını həkimə 3 dəfə bildirsə də, ona bunun normal hal olduğu deyilib.
Onun iddiasına görə, övladı başqa xəstəxanaya köçürülən zaman isə onlara təcili tibbi yardım maşınının olmadığı deyilib.
Məsələ ilə bağlı Yasamal klinik uşaq xəstəxanasına yollandıq. Xəstəxananın reanimasiya şöbəsinin müdiri Ülviyyə Xəlilova bildirdi ki, valideynin iddiaları ilə bağlı araşdırma aparılır.
Uşağın taksi ilə aparılması iddiasına cavab olaraq isə bildirildi ki, bu, valideynin öz istəyi ilə olub.
Xezerxeber.az mövzu ilə bağlı daha ətraflı videomaterialı təqdim edir.
