Rəqəmsal dünyada brendlər öz məhsul və xidmətlərini geniş auditoriyalara tanıtmaq üçün influenser marketinqindən fəal şəkildə istifadə edirlər. İnfluenserlər vasitəsilə aparılan kampaniyalar, markaların müştəri etimadını qazanmasına, tanınmasını artırmasına və satışlara birbaşa təsir edir. Ötən yazıda günümüzün təlabatı olan mövzunu şərh edib, “Nəyə görə influenserlik yaranır, istiqamət olaraq seçilir, hətta gələcək peşə kimi arzulanır” məsələsinə toxunduq.
Yazımızda bəhs etmişdik ki, rəqəmsal aləmdə də brendlər məhsullarını auditoriyalarına təqdim etmək üçün influenser əməkdaşlıq yardımlarını agentliklərdən alırlar.
Yaxşı, bəs, maraqlıdırmı bu proses necə baş verir, influenserlər nəyə əsasən seçilir?
Brendlər influenser seçərkən hansı nüanslara diqqət edir?
- Kateqoriya uyğunluğu –İnfluenserin fəaliyyəti və auditoriyası brendin təqdim etdiyi məhsul və ya xidmətlə uzlaşmalıdır. Məsələn, əmlak sektoru ilə bağlı bir kampaniya üçün oyun və ya idman kateqoriyasına aid influenserlərin seçilməsi effektiv nəticə verməyəcək.
- İzləyici sayı – Brendlər adətən 20,000 və daha çox izləyicisi olan influenserlərlə əməkdaşlığa üstünlük verirlər. Nəzərinizə çatdıraq ki, burada kateqoriya mühim rol oynayır. Mikro influenserlər səhifələrinin yeni və aktiv olduğuna görə, makro influenserlər isə böyük auditoriyası olduğu səbəbindən seçilir.
- Səhifənin aktivliyi – Brend influenser seçimi etdiyi zaman influenser tərəfindən səhifədə paylaşılan məzmunların “Bəyənmə sayı”nın gizli olub-olmadığına diqqət edir. Səhifədə “Bəyənmə”lərin gizli olması brenddə şüuraltı olaraq influenser səhifəsinin aktivliyinin zəif olduğu mesajını ötürür.
- Paylaşım tezliyi – Müntəzəm paylaşımlar edən və aktiv hekayələr yayımlayan influenserlər auditoriya ilə güclü əlaqə qururlar. Belə ki, 1 gün aralıqla paylaşılan postlar, səliqəli feed, aydın bio agentlik və brendlərdə sözsüz ki, ilkin olaraq xoş təəssürat yaradır. Tez-tez edilən paylaşımlar, hekayə bölümünün boş qalmaması influenserin günün müəyyən saatlarında auditoriyası ilə kommunikasiyada olub məhsul, fikir alış-verişi ilə məşğul olduğundan xəbər verir.
Agentliklərin rolu və seçim prosesi
Brendlər influenser seçimini birbaşa həyata keçirə biləcəkləri kimi, bu prosesi peşəkar influenser agentliklərinə həvalə edə bilərlər. influencer.az bu prosesdə aşağıdakı nüanslara əsaslanaraq seçim edir:
- İzləyici sayı və səhifənin aktivliyi – İnfluenserin auditoriyasının real olub-olmaması, aktivlik dərəcəsi müxtəlif tətbiqlər və daxili analiz sistemləri vasitəsilə yoxlanılır.
- Əvvəlki əməkdaşlıqlar – İnfluenserin son əməkdaşlıq etdiyi brendlər və həmin kampaniyaların effektivliyi nəzərdən keçirilir.
- Sürətli geri dönüş – Agentliklər sorğulara tez cavab verən və əməkdaşlıq prosesini çevik şəkildə idarə edə bilən influenserlərlə işləməyə üstünlük verirlər.
- Qiymət təklifi – İnfluenserin təqdim etdiyi qiymət və büdcəyə uyğunluğu qiymətləndirilir.
- Rəqib markalarla əməkdaşlıq – Brendlər, adətən, rəqib şirkətlərlə əməkdaşlıq edən influenserlərlə müəyyən müddət ərzində (ortalama 3 – 6 ay) işləmək istəmir. Bu nüans diqqətlə analiz edilir və uyğun olmayan influenserlər siyahıdan çıxarılır.
İnfluenser seçimində mühim detallar
Brendin seçdiyi influenserlə birbaşa əlaqə yaradılır, ona layihə brifi təqdim olunur və qiymət təklifi alınır. Bundan sonra layihə üçün uyğunluğu dəyərləndirilir və təsdiqlənmiş influenserlər ilə əməkdaşlıq baş tutur.
Yazı ilə tanış olduqdan sonra, əgər hələ də layihənizə uyğun influenser tapmaqda çətinlik çəkirsinizsə, nəyə görə bütün yükü bazasında 1200-dən çox influenser məlumatını saxlayan influenser marketinq agentliyinə həvalə etməyəsiniz ki?!
Brendinizin tanınmasını artırmaq və effektiv influenser marketinq strategiyası qurmaq üçün bizimlə əlaqə saxlayın!
