Litva gömrüyü  iki Tesla Cybertruck-un Belarusa ixracına icazə verməyib

Litva gömrüyü iki Tesla Cybertruck-un Belarus ərazisinə keçirilməsinə icazə verməyib və nəqliyyat vasitələrini ələ keçirib.

Oxu24.com  xəbər  verir  ki, Bu barədə mayın 8-də respublikanın gömrük idarəsinin saytında məlumat verilib.

"Gömrükçülər Belarusa gətirildiyi iddia edilən avtomobillərin ixracı proseduruna icazə verməyiblər", - mesajda deyilir.

Litva-Belarus sərhədindəki Şalçininkay sərhəd-keçid məntəqəsində dəyəri 200 min avrodan çox olan elektrik avtomobilləri ələ keçirilib.

Gömrükçülər xarici avtomobillərin daha sonra Rusiyaya daşınması üçün nəzərdə tutulduğundan şübhələniblər.

Bu, öz növbəsində, Aİ-nin Rusiya Federasiyasına minik avtomobillərinin ixracına qoyulan məhdudiyyətlərlə bağlı sanksiyalarını pozacaq.

Pikap sürücüləri sorğu-sual edilərək sərbəst buraxılsalar da, bahalı maşınlar geri qaytarılmayıb. Gömrük idarəsi ibtidai araşdırmaya başlayıb.

2022-ci ildə növbəti anti-Rusiya sanksiyalar paketi çərçivəsində Avropa İttifaqı Rusiya Federasiyasına dəbdəbəli malların idxalını qadağan etdi. İdxalına qadağa qoyulan malların siyahısına, həmçinin qiyməti 50 min avrodan yuxarı olan avtomobillər, qayıqlar və təyyarələr, həmçinin qiyməti 5 min avrodan yuxarı olan motosikletlər də daxildir.

Nigar