Göz sağlamlığı yaşla və qidalanma vərdişləri ilə əlaqədar zamanla zəifləyə bilər.
Pravda.az xatırladır ki, görmə problemlərinin qarşısını almaq üçün düzgün qidalanma mühüm rol oynayır. Gözlər gün ərzində mavi işıq, ultrabənövşəyi şüalar və ətraf mühitin digər zərərli təsirlərinə məruz qalır. Buna görə də, balanslı qidalanma görmə funksiyasını qorumağa və göz xəstəliklərinin yaranma riskini azaltmağa kömək edə bilər.
Gözü Qoruyan Qidalar
A, C, E vitaminləri, sink və omega-3 yağ turşuları ilə zəngin qidalar göz sağlamlığını dəstəkləyir. Bu qidalar arasında aşağıdakılar var:
Bolqar bibəri
Yaşıl yarpaqlı tərəvəzlər (ispanaq, kahı, cəfəri)
Çərəzlər (qoz, badam)
Yağlı dəniz məhsulları (somon, tuna)
Kök və şirin kartof
Lobya
Avokado
Yumurta
Süd məhsulları
Bu qidalar göz hüceyrələrini qoruyur və yaşa bağlı görmə problemlərinin qarşısını almağa kömək edir.
Göz sağlamlığı üçün ən faydali qidalar:
1. Çiy bibər – C vitamini baxımından zəngin olduğu üçün göz damarlarını qoruyur və katarakt riskini azaldır.
2. Yaşıl yarpaqlı tərəvəzlər – İspanaq, kahı və brokoli C və E vitamini ehtiva edərək göz sağlamlığını dəstəkləyir.
3. Çərəzlər və toxumlar – Qoz, badam və çia toxumu omega-3 yağ turşuları və E vitamini ilə zəngindir.
4. Yağlı balıqlar – Somon, tuna və alabalıq omeqa-3 yağ turşuları ehtiva edərək göz təzyiqini azaldır.
5. Kök – Beta-karoten tərkibli olduğuna görə A vitamini mənbəyidir və gecə görməsini yaxşılaşdırır.
6. Yumurta – Lutein, zeaksantin və sink ehtiva edərək yaşa bağlı görmə problemlərinin qarşısını alır.
7. Subtropik meyvələr (portağal, limon, qreyfurt) – C vitamini ilə zəngin olduğu üçün göz damarlarını qoruyur.
8. Brokoli və brüssel kələmi – Beta-karoten, lutein və C vitamini ehtiva edərək göz hüceyrələrini qoruyur.
9. Narıncı rəngli meyvə və tərəvəzlər (şirin kartof, mango, qovun, ərik) – Beta-karoten mənbəyi olduğu üçün A vitamini istehsalını dəstəkləyir.
Göz Sağlamlığına faydali vitaminlər və minerallar
A vitamini – Retina hüceyrələrini qoruyur, gecə görməsini yaxşılaşdırır.
C vitamini – Göz hüceyrələrini sərbəst radikallardan qoruyur.
E vitamini – Hüceyrə membranlarını qoruyur və oksidativ stresi azaldır.
Lutein və zeaksantin – Mavi işığın zərərli təsirlərinə qarşı qoruyucu təsir göstərir.
Omega-3 yağ turşuları – Göz quruluğunun qarşısını alır və retina sağlamlığına müsbət təsir göstərir.
Sink – Yaşa bağlı görmə itkisinin qarşısını alır.
Göz sağlamlığını necə qorumaq olar?
20-20-20 qaydasına əməl edin – Hər 20 dəqiqədən bir, 20 saniyə ərzində 20 metr uzağa baxın.
Günəşdən qorunun – UV filtri olan gün eynəkləri istifadə edin.
Müntəzəm göz müayinəsindən keçin – İldə ən azı bir dəfə göz həkiminə müraciət edin.
Ekran istifadəsini məhdudlaşdırın – Uzun müddət mavi ekrana baxmaq göz quruluğuna və baş ağrısına səbəb ola bilər.
Siqaretdən uzaq olun – Siqaret çəkmək katarakt və görmə problemlərinə yol aça bilər.
Gözləri ovuşdurmaqdan çəkinin – Bu, infeksiyalara səbəb ola bilər.
Yetərincə yuxu alın – Gözlərinizin istirahət etməsi üçün gündəlik yuxu vacibdir.
Kifayət qədər su için və göz damlası istifadə edin – Göz quruluğunun qarşısını almaq üçün vacibdir.
Qeyd: Sağlam qidalanma və düzgün həyat tərzi ilə göz sağlamlığınızı uzun müddət qoruya bilərsiniz.
Əminə Bayramova
