1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyə və Azərbaycan arasında təbii qaz yatağı ilə bağlı əməkdaşlıq müqaviləsi təsdiq edilib
Oxu.Az-ın məlumatına görə, bu barədə "Resmi Gazete"də xəbər verilib.
Bildirilir ki, Türkiyə Prezidenti Rəcəb Tayyib Ərdoğanın təsdiqi ilə ümumilikdə altı beynəlxalq anlaşma və iki memorandum imzalanıb. Bu müqavilələrdən ikisi Azərbaycanla bağlıdır.
Sazişlərdən biri Azərbaycanla tikintidə vahid qiymət təyini sisteminə aiddir.
"22 dekabr 2022-ci ildə Ankarada imzalanmış bu anlaşma Türkiyə ilə Azərbaycan arasında tikinti sektorunda vahid qiymət sisteminin formalaşdırılması və normativ bazanın təkmilləşdirilməsini hədəfləyir", - deyə nəşrdə bildirilir.
Bundan əlavə, Azərbaycanla Türkiyə arasında 14 may 2024-cü ildə imzalanmış təbii qaz sahəsində əməkdaşlıq anlaşması da "Resmi Gazete"də yayımlanaraq təsdiq edilib.
