Cənubi Koreyanın Poçeon şəhərində təlimlər zamanı planlaşdırılmamış bomba yaşayış binasına düşüb və dinc sakinlər yaralanıb.
Bu barədə "Yonhap" xəbər agentliyi məlumat yayıb.
"Səlahiyyətlilər təxminən saat 10:00-da (Bakı vaxtı ilə 05:00) Seuldan təxminən 43 km şimalda yerləşən şəhərdə yaşayış binasına bombanın düşdüyünü, 7 nəfərin yaralandığını və bir neçə binanın dağıldığını bildiriblər", - məlumatda deyilir.
Qeyd olunur ki, yerli sakinlərin təxliyəsi barədə göstəriş verilib. Səlahiyyətlilər hadisənin baş vermə şəraiti ilə bağlı araşdırmalara başlayıb.
