Ukrayna Prezidenti Volodimir Zelenski apreldə Cənubi Afrika Respublikasına səfər edəcək və ölkə Prezidenti Siril Ramafosa ilə görüş keçirəcək.
“Report” xəbər verir ki, bu barədə “Bloomberg” agentliyi məlumat yayıb.
CAR Prezidentinin sözçüsü Vinsent Maqvenya nəşrə bildirib ki, Zelenski aprelin 10-da Ramafosa ilə görüşəcək. Onlar müharibənin dayandırılması ilə bağlı səyləri müzakirə edəcəklər.
"Bu səfər Prezident Ramafosanın Rusiya və Ukrayna arasında sülhə aparan yolu təmin edəcək inklüziv sülh prosesinə dair Putin və Zelenski ilə mövcud razılaşmalarının davamıdır", - sözçü bildirib.
