İran açıq şəkildə bildirib ki, ABŞ-la nüvə proqramı ilə bağlı danışıqlar hərbi məsələlərlə məhdudlaşdıqca, danışıqlara açıqdır...
Poliqon The New York Times-a istinadən xəbər verir ki, bu bəyanat ölkənin ali liderinin ABŞ prezidenti Donald Trampın müzakirələr aparmaq təklifini rədd etməsindən bir gün sonra verilib.
"Əgər danışıqların məqsədi İranın nüvə proqramının hər hansı potensial hərbiləşdirilməsi ilə bağlı narahatlıqları aradan qaldırmaqdırsa, bu cür müzakirələr nəzərdən keçirilə bilər", deyə İranın BMT-dəki missiyası sosial mediada dərc olunan bəyanatda bildirib.
Ekspertlərin fikrincə, İran demək olar ki, uranı nüvə silahı istehsal etmək üçün kifayət qədər zənginləşdirmək mərhələsindədir. Eyni zamanda Tehran nüvə proqramının dinc məqsədlər daşıdığını vurğulayır.
Öz növbəsində İranın BMT-dəki missiyası qeyd edib ki, əgər onların məqsədi Tehranın dinc nüvə proqramını ləğv etməkdirsə, danışıqlar heç vaxt baş tutmayacaq.
"Bu ziddiyyətli bəyanatlar cənab Trampın ilk prezidentlik dövründə ABŞ-ı sələfi Barak Obama tərəfindən Tehranla bağladığı nüvə sazişindən çıxardıqdan sonra danışıqların bərpa edilib-edilməməsi ilə bağlı İran rəsmiləri arasında fikir ayrılığını əks etdirə bilər", deyə NYT vurğulayır.
Poliqon.info
