NATO-nun baş katibi Mark Rutte xüsusi olaraq Avropa İttifaqı liderlərini təhlükəsizlik sahəsində əməkdaşlığı gücləndirmək üçün Türkiyə Prezidenti Rəcəb Tayyib Ərdoğanla əlaqələri gücləndirməyə çağırıb.
Yeniavaz.com xəbər verir ki, bu barədə “Financial Times” (FT) qəzeti NATO baş katibinin açıqlamaları ilə bağlı məlumat verən rəsmilərə istinadla məlumat yayıb.
Nəşrin məlumatına görə, buna ABŞ Prezidenti Donald Tramp və onun administrasiyasının Avropa təhlükəsizliyi ilə bağlı mövqeyi səbəb olub.
FT-nin məlumatına görə, Brüssel Avropanın müdafiə qabiliyyətinin artırılması çərçivəsində Türkiyə və Aİ-yə daxil olmayan digər ölkələrlə əməkdaşlığı genişləndirmək imkanlarını araşdırır.
Rəsmilərin sözlərinə görə, Ankara ilə əlaqələri genişləndirmək həm də Aİ ölkələri ilə ikitərəfli əlaqələrin yaxşılaşdırılmasına yönəlib.
