1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Nazirlər Kabineti "Rəqabət Məcəlləsinə uyğun olaraq maliyyə sanksiyalarının hesablanması, tətbiqi meyarları və Qaydaları"nı təsdiq edib.
Oxu.Az xəbər verir ki, bununla bağlı Baş nazir Əli Əsədov yeni qərar imzalayıb.
Qərara əsasən, məcəllədə nəzərdə tutulan maliyyə sanksiyalarını yüngülləşdirən amillər olduğu halda, qanun pozuntularına görə maliyyə sanksiyası aşağıdakı qaydada tətbiq edilir:
- məcəllədə müəyyən edilmiş qanun pozuntusuna görə sanksiya məbləği ümumilikdə 65%-dən çox olmamaq şərti ilə, məcəllənin 79.1.1-ci, 79.1.5-ci və 79.1.6-cı maddələri ilə müəyyən edilmiş amillərin hər biri üzrə 10% məbləğində, 79.1.2-ci maddəsi ilə müəyyən edilmiş amil üzrə 20% məbləğində, 79.1.3-cü maddəsi ilə müəyyən edilmiş amil üzrə 25% məbləğində və 79.1.4-cü maddəsi ilə müəyyən edilmiş amil üzrə 15% məbləğində azaldılır;
- məcəllənin 77.1.2-ci maddəsi ilə müəyyən edilmiş qanun pozuntusuna görə sanksiya məbləği ümumilikdə 70%-dən çox olmamaq şərti ilə məcəllənin 79.1.1-ci, 79.1.4-79.1.6-cı maddələri ilə müəyyən edilmiş amillərin hər biri üzrə 10% məbləğində, 79.1.2-ci maddəsi ilə müəyyən edilmiş amil üzrə 20% məbləğində və 79.1.3-cü maddəsi ilə müəyyən edilmiş amil üzrə 15% məbləğində azaldılır;
- məcəllənin 77.1.3-cü maddəsi ilə müəyyən edilmiş qanun pozuntusuna görə sanksiya məbləği ümumilikdə 75%-dən çox olmamaq şərti ilə məcəllənin 79.1.1-ci maddəsi ilə müəyyən edilmiş amil üzrə 10% məbləğində, 79.1.2-ci maddəsi ilə müəyyən edilmiş amil üzrə 25% məbləğində, 79.1.3-cü maddəsi ilə müəyyən edilmiş amil üzrə 20% məbləğində, 79.1.4-cü maddəsi ilə müəyyən edilmiş amil üzrə 15% məbləğində, 79.1.5-ci və 79.1.6-cı maddələri ilə müəyyən edilmiş amillərin hər biri üzrə 5% məbləğində azaldılır;
- məcəllənin 77.1.4-cü maddəsi ilə müəyyən edilmiş qanun pozuntusuna görə sanksiya məbləği ümumilikdə 90%-dən çox olmamaq şərti ilə məcəllənin 79.1.1-ci, 79.1.5-ci və 79.1.6-cı maddələri ilə müəyyən edilmiş amillərin hər biri üzrə 10% məbləğində, 79.1.2-ci maddəsi ilə müəyyən edilmiş amil üzrə 20% məbləğində, 79.1.3-cü maddəsi ilə müəyyən edilmiş amil üzrə 25% məbləğində və 79.1.4-cü maddəsi ilə müəyyən edilmiş amil üzrə 15% məbləğində azaldılır.
