Şəki Olimpiya İdman Kompleksində boks idman növü üzrə katedlər arasında zona birinciliyinə start verilib. Gənclər və İdman Nazirliyinin və Azərbaycan Boks Federasiyasının birgə təşkilatçılığı ilə keçirilən yarışda respublikamızın müxtəlif şəhər və rayonlarını təmsil edən 50 komandanın tərkibində 200-dək idmançı mübarizə aparır.
Bu barədə AZƏRTAC-ın bölgə müxbirinə Şəki-Zaqatala Regional Gənclər və İdman İdarəsindən məlumat verilib.
Martın 11-də zona birinciliyinin açılış mərasimi keçirilib və yarışlar martın 16-dək davam edəcək.
