“Ermənistan Azərbaycanın genişmiqyaslı hücumunun qarşısını almaq üçün qonşu İranla müdafiə ittifaqına girməlidir”.
“AzPolitika” xəbər verir ki, bu təkliflə Daşnaksütyun partiyasının lideri Armen Rüstəmyan çıxış edib.
O, iddia edib ki, Ermənistan hökumətinin təhlükəsizlik siyasəti Türkiyə və Azərbaycan tərəfindən diktə edilir: “Biz dostlarımızın sayını artırmaq əvəzinə dostlarımızı düşmənə çeviririk. Hesab edirik ki, ilk növbədə Rusiya ilə müttəfiq, strateji münasibətlərimizi möhkəmləndirməliyik, bunun üçün hüquqi baza mövcuddur. İranla hərbi-siyasi ittifaq dərhal belə bir məntiqlə bağlanmalıdır ki, bir ölkəyə hücum digər ölkəyə də hücum deməkdir”.
Rüstəmyan İranın Azərbaycanın İslam Respublikası ilə həmsərhəd olan Ermənistan bölgəsindən Naxçıvan anklavına keçəcək ekstraterritorial quru dəhlizinin yaradılması ilə bağlı tələblərinə Tehranın kəskin etiraz etməsinə işarə edib. “Heç kimə sirr deyil ki, İran Zəngəzur dəhlizi ilə bağlı məsələdə hakimiyyətimizdən daha çox bizim milli maraqlarımızı əks etdirən ən aydın mövqedən çıxış edir. Beləliklə, biz İrana imkan verməliyik ki, həyati vacib milli maraqlarımızı müdafiə etmək üçün öz öhdəliklərini tam yerinə yetirmək üçün hüquqi-siyasi əsaslar olsun”, - Daşnaksütyun rəhbəri bildirib.
“AzPolitika.info”
