“Avropa Rusiyanın onu hansı şəkildə təhdid etməsinə baxmayaraq gələcəkdə hərbi münaqişələrin qarşısını almağa hazır olmalıdır”.
Editor.az xəbər verir ki, bunu Avropa Komissiyasının müdafiə üzrə məsul üzvü Andrius Kubilius Avropa Parlamentinin Strasburqda keçirilən sessiyasında deyib.
Onun sözlərinə görə, Avropa gələcəkdə hərbi münaqişələrin qarşısını almaq üçün müharibələrə hazırlaşmalıdır: “Açıq və indiki təhlükə ilə qarşı-qarşıyayıq. Heç birimiz həyatımızda belə bir şey görməmişik. Bizə qarşı mümkün olan ən pis hərbi hücum ehtimalının qarşısını almaq üçün Avropa ən pisinə hazır olmalıdır. Bu cür hazırlıq ən pisi cilovlamaq üçün yeganə yoldur”.
//Gülnarə Abasova, Editor.az
