Bu gün UEFA Çempionlar Liqasında 1/8 final mərhələsinə yekun vurulacaq.
Publika.az xəbər verir ki, ikinci oyun günündə daha dörd matç baş tutacaq.
Gecənin mərkəzi matçı Madriddə baş tutacaq. İspaniyanın iki nəhəngi “Atletiko” və “Real” üz-üzə gələcək. İlk görüşdə minimal fərqlə qalib gələn “qalaktikos” büdrəməməyə çalışacaq.
Bundan başqa, “Lill” evdə “Borussiya” ilə üz-üzə gələcək. “Arsenal” darmadağın etdiyi PSV-ni bu dəfə doğma meydanda qəbul edəcək. “Aston Villa” isə Belçikada məğlub etdiyi “Brügge” qarşısında üstünlüyü əldən verməməyə çalışacaq.
