Rusiya Ukraynada Avropa sülhməramlılarını qəbul etmir
Moskva heç bir halda Ukraynada Avropa sülhməramlılarını və orada Rusiya əleyhinə qanunların qorunub saxlanmasını qəbul etməyəcək.
AzPost APA-ya istinadən bildirir ki, bunu Rusiya xarici işlər naziri Sergey Lavrov amerikalı blogger Mario Naufal, keçmiş hakim Endryu Napolitano və Mərkəzi Kəşfiyyat İdarəsinin keçmiş analitiki Larri Consona müsahibəsində bildirib.
NATO qoşunlarının Ukraynada olması Moskva üçün təhdiddir
Onun sözlərinə görə, NATO qoşunlarının Ukrayna ərazisində istənilən bayraq altında, istənilən keyfiyyətdə, o cümlədən sülhməramlı qüvvələr kimi olması Rusiya üçün təhdiddir: “Rusiyanı ərazilər deyil, insanlar maraqlandırır, ərazilər yalnız insanlar yaşadığı üçün vacibdir”.
