BAKI, TurkicWorld
Türkiyənin Milli Müdafiə naziri Yaşar Gülər, rəsmi səfər çərçivəsində Səudiyyə Ərəbistanının müdafiə naziri şahzadə Xalid bin Salman bin Əbdüləziz Əl Səud ilə görüşüb.
TurkicWorld AzerVoice-ə istinadən xəbər verir ki, Milli Müdafiə Nazirliyinin sosial media hesabında yayımlanan açıqlamada iki ölkə arasında müdafiə və təhlükəsizlik sahəsində əməkdaşlığın genişləndirilməsi məqsədilə aparılan görüşün əhəmiyyəti vurğulanıb.
Bu görüş, Ankara və Riyad arasında strateji əməkdaşlığın dərinləşdirilməsi və regional təhlükəsizlik məsələlərində ortaq addımların atılması baxımından mühüm əhəmiyyət kəsb edir. Görüşdə hərbi təlimlər, texnoloji əməkdaşlıq və müdafiə sənayesi sahəsində mümkün layihələr müzakirə olunub.
Mütəxəssislərin fikrincə, Türkiyə və Səudiyyə Ərəbistanı arasındakı müdafiə əməkdaşlığı regionda sabitliyin güclənməsinə töhfə verəcək.
