"Mançester Siti"nin yarımmüdafiəçisi Kalvin Fillips doğma klubuna qayıda bilər.
"Operativ Məlumat Mərkəzi-OMM" “The Sun” nəşrinə istinadən xəbər verir ki, hazırda “İpsviç”də mövsümün sonuna kimi icarə əsasında çıxış edən 29 yaşlı ingilis yayda “Lids”ə keçə bilər.
İngiltərə futbolunun ikinci güclü divizionunda 36 oyundan sonra "Lids" 76 xalla Çempionat cədvəlinə başçılıq edir. Premyer Liqaya qayıtmağı bacarsalar, mütləq komandanı gücləndirmək istəyəcəklər. Seçimlərdən biri Kalvin Phillipsin qayıtmasıdır.
Xatırladaq ki, 2022-ci ilin yayında “Mançester Siti” Kalvin Fillips üçün “Lids”ə 45 milyon funt-sterlinq ödəmişdi.
Təcrübəli yarımmüdafiəçi bu mövsüm "İpsviç"in heyətində bütün turnirlərdə 19 oyuna çıxıb və bir məhsuldar ötürmə edib.
