Bu gün Azərbaycanda təşkil olunacaq minifutbol üzrə dünya çempionatının püşkatma mərasimi keçiriləcək.
Fanat.Az xəbər verir ki, tədbir "The Ritz-Carlton" otelində keçiriləcək və saat 18:00-da baş tutacaq.
Mundialda iştirak edəcək 32 komanda 4 səbətə bölünüb.
Elşad Quliyevin baş məşqçisi olduğu Azərbaycan yığması Rumıniya, Qazaxıstan, Serbiya, Macarıstan, Meksika, Çexiya və Slovakiya ilə birlikdə 1-ci səbətdə yer alıb.
2-ci səbətdə Bolqarıstan, Monteneqro, ABŞ, Fransa, Ukrayna, Gürcüstan, Mavritaniya, Qana, 3-cü səbətdə İngiltərə, Portuqaliya, Bosniya və Herseqovina Tailand, BƏƏ, Çad, İspaniya və Sloveniya qərarlaşıb.
Polşa, Hindistan, Türkiyə, Kosta-Rika, İsrail, Bəhreyn, Özbəkistan və Argentina isə 4-cü səbətdə yer alıb.
Turnir mayın 21-dən iyunun 1-dək Bakıda keçiriləcək.
Dünya Minifutbol Federasiyası (WMF) tərəfindən beşinci dəfə təşkil ediləcək mundialın son qalibi Rumıniya yığması olub.
