Fələstinin radikal HƏMAS hərəkatı İsraillə Dohada başlayan danışıqların yeni mərhələsinin Qəzza zolağında atəşkəs razılaşmasının ikinci mərhələsinin həyata keçirilməsinə səbəb olacağına ümid edir. Manset.az xəbər verir ki, bu barədə "Asharq" telekanalı HƏMAS nümayəndəsinə istinadən məlumat yayıb. "Ümid edirik ki, bu gün başlayan danışıqlar raundu nəzərəçarpacaq irəliləyişə və Qəzza zolağında atəşkəsin ikinci mərhələsinin başlanmasına gətirib çıxaracaq". Bildirilib ki, martın 12-də Dohada Həmas və vasitəçilər arasında məsləhətləşmələr planlaşdırılır. ABŞ prezidentinin xüsusi elçisi Stiven Vitkoffun da Qətərin paytaxtına gələcəyi gözlənilir.
