Ötən yay "Səbail"dən ayrılaraq "Neftçi"nin Futbol Akademiyasına üz tutan Asif Mirili yenidən iş yerini dəyişib.
Fanat.Az-ın məlumatına görə, 35 yaşlı mütəxəssis "Vətən"ə keçib.
O, paytaxt təmsilçisinin U-17 komandasına baş məşqçi təyin olunub. Mirili bu postda ötən ay U-17 liqasında davaya səbəb olduğu üçün istefaya göndərilən Elvin Həsənovu əvəz edəcək.
Asif artıq yeni komandasını ilk oyuna da çıxarıb. O, çempionatın üçüncü dövrəsinin ilk oyununda keçmiş komandası "Səbail"lə qarşılaşıb və 1:0 hesablı qələbəyə sevinib.
Qeyd edək ki, Asif Mirili futbolçu kimi Premyer Liqada "İnter", "Simurq", "Xəzər Lənkəran", AZAL, "Səbail" klublarında çıxış edib və oyunçu karyerasını məhz sonuncuların heyətində başa vurub.
Mirağa
