“WhatsApp” istifadəçilərin Meta AI ilə söhbət etməsi və qarşılıqlı əlaqədə olması üçün təkmilləşdirilmiş interfeys üzərində işləyir. Metbuat.az xəbər verir ki, “WhatsApp”ın androidlərin beta versiyasında istifadəyə verdiyi yeniliyi iOS-ların beta versiyasında da istifadəyə verib. Bu yenilik istifadəçilərə birbaşa tətbiq daxilində öz süni intellekt xarakterlərini yaratmağa və fərdiləşdirməyə imkan verir. Beləliklə, istifadəçilər çatbotların davranışlarına daha çox nəzarət edəcək və qarşılıqlı əlaqəni öz seçimlərinə uyğun formalaşdıra biləcəklər. Məlumata görə, fərdiləşdirilmiş AI xarakterinin yaradılması prosesi çox təfərrüatlı şəkildə işlənib. İstifadəçilər süni intellektin nəyi bacarmalı olduğunu və onu digərlərindən nə ilə fərqləndirdiyini müəyyən edə biləcəklər. Bu prosesdə onlar süni intellektin məhsuldarlığa, əyləncəyə və ya yardıma fokuslanacağına qərar verə biləcəklər. “WhatsApp” bu prosesi asanlaşdırmaq üçün əvvəlcədən təyin edilmiş cavab variantları təklif edəcək. Bu yolla sıfırdan başlamaq istəməyən istifadəçilər hazır şablonlardan istifadə edərək daha tez süni intellekt xarakterli yarada biləcəklər.
