Azərbaycan Premyer Liqasında mübarizə aparan “Neftçi”nin yarımmüdafiəçisi Edvin Kuç Monteneqro millisinə dəvət alıb.
Arena.az xəbər verir ki, bu barədə paytaxt klubunun mətbuat xidməti məlumat yayıb.
31 yaşlı yarımmüdafiəçi martın 22-də Cəbəllütariq, 25-də isə Farer adaları yığması ilə dünya çempionatının seçmə mərhələsində keçiriləcək oyunlara çağırılıb.
Kuç 2024-cü ilin iyul ayından “Neftçi”nin formasını geyinir. 31 yaşlı yarımmüdafiəçi indiyə qədər paytaxt klubunun heyətində 22 oyun keçirib, 2 məhsuldar ötürmə ilə yadda qalıb. O, daha öncə “Ballkani”, “Deçiç”, “Rudar”, “Üsti nad Labem”, “Mladost”, “Gilyani” kimi klubların da şərəfini qoruyub. Edvin 2023-cü ilin oktyabr ayında debüt etdiyi Monteneqro yığmasında 11 oyun keçirib, 3 qol vurub.
