Oksford Universitetinin alimləri müəyyən ediblər ki, 48-70 yaş arasında balıq, paxlalı bitkilər və tərəvəzlərdən istifadə arıqlığı qoruyub saxlamağa və sonrakı illərdə demans riskini azaltmağa kömək edir. Araşdırmanın nəticələri JAMA Network Open jurnalında dərc olunub.
Tədqiqatda 512 britaniyalı iştirak edib. Alimlər 21 il ərzində könüllülərin pəhrizləri haqqında məlumat toplayıb, onların hər birinin bel və omba ətrafını ölçüblər. Bununla eyni vaxtda, tədqiqat qrupunda demans inkişafının bütün halları qeydə alınıb.
Nəticələr balıq, zeytun yağı, tərəvəz, meyvə və paxlalılar istehlak edən könüllülərin idrak qabiliyyətlərinin daha yüksək olduğunu göstərdi. Bu pəhrizdə olan insanlar sol hipokampus - beynin informasiyanın işlənməsi və yaddaşda əsas rol oynayan hissəsi - və ilk növbədə vizual məlumatın işlənməsi üçün cavabdeh olan oksipital lob arasında əlaqəni yaxşılaşdırdılar.
Alimlər onu da qeyd ediblər ki, düzgün qidalanmanın ən bariz qoruyucu təsiri 48-70 yaş arasında başlandıqda müşahidə olunur.
