“Barselona” Çempionlar Liqasının 1/8 final mərhələsinin cavab oyununda “Benfika”nı 3:1 hesabı ilə məğlub edərək, 1/4 finala yüksəlib.
Futbolpress.az xəbər verir ki, həmin matçda “Blauqrana”nın hücumçusu Lamin Yamal bir qol və bir məhsuldar ötürmə ilə yadda qalıb. BBC-nin məlumatına görə, 17 yaşlı ispaniyalı Çempionlar Liqası tarixində 5 məhsuldar ötürmə edən ən gənc oyunçu olub. Yamal o vaxt 19 yaşında olan ingiltərəli vinger Teo Uolkottun əvvəlki rekordunu qırıb.
Bu mövsüm Yamal bütün yarışlarda 37 matçda iştirak edib, 12 qol vurub və 17 məhsuldar ötürmə verib.
