Dövlət tibb müəssisələrində saatlar, günlər, hətta bəzən aylarla növbələr olur. Özəl tibb müəssissələrinin isə bəzilərində dəhlizlər bomboşdur.
Milli.Az Xəzər TV-yə istinadən bildirir ki, mövzu ilə bağlı danışan tibb elmləri doktoru Adil Qeybulla bildirir ki, icbari tibbi sığorta tətbiq edilərkən, əhali sayına görə xəstəxanaların imkanları nəzərə alınmayıb, problem həm də elə bundan qaynaqlanır.
Onun fikrincə, özəl klinikaların bu məsələyə daha çox cəlb olunması ilə məsələ həllini tapa bilər. Professor bildirdi ki, icbari tibbi sığorta ilə xəstələri çox az hallarda özəl klinikalara yönləndirirlər.
Bildirildi ki, özəl tibb müəssisələri icbari tibbi sığortaya cəlb olunmaqla fəaliyyətləri genişlənir, həkimlər daha çox işləyirlər.
İcbari Tibbi Sığorta üzrə Dövlət Agentliyindən "Xəzər Xəbər"ə bildirildi ki, TƏBİB-in tabeliyindəki dövlət tibb müəssisələrində göstərilməsi mümkün olmayan xidmətləri vətəndaşların əldə etməsi üçün onlara Agentliyin müqaviləli tibb müəssisələrinə göndəriş verilir. Ötən il pasiyentlər belə tibb müəssisələrində icbari tibbi sığorta ilə 211 min 105 əməliyyat və prosedurdan yararlanıb. Sözügedən əməliyyat və prosedurlardan ürək-damar cərrahiyyəsi, ümumi cərrahiyyə, uroloji, travmatoloji, oftalmoloji, nevrologiji, koxlear implantasiya kimi xidmətlər üstünlük təşkil edib.
Daha ətraflı videomaterialı təqdim edirik.
Milli.Az
