"Komandaya iradım yoxdur. Bacardıqlarını etdilər".
Sportinfo.az xəbər verir ki, bunu "Sabah"ın basketbol komandasının baş məşqçisi Rimas Kurtinaytis klubun mətbaut xidmətinə açıqlamasıda deyib.
Litvalı mütəxəssis Azərbaycan kubokunun 1/4 finalında “Neftçi”yə 81:85 hesablı məğlubiyyəti şərh edib:
“Təbii ki, Endərin yoxluğu yerli oyunçu rotasiyası zamanı hiss olunurdu. Həm rotasiya, həm oyun planı baxımdan yeri görünürdü.
Eyni komandanı ardıcıl olaraq 3 gün ərzində 2 dəfə məğlub etmək çətindir. Çünki rəqib də oyunu təhlil edib, səhvlərindən nəticə çıxarıb, daha yaxşı oynamağa çalışır.
Sona kimi mübarizə apardıq. Növbəti oyunlarda yaxşı nəticə əldə etməyə çalışacağıq”.
