Amerikanın məşhur "Ghost Adventures" realiti-şousunun aparıcısı Aaron Qudvinin həyat yoldaşı ərinə qarşı sui-qəsd hazırladığı üçün həbs edilib.
Demokratikmusavat.comlent.az-a istinadən xəbər verir ki, Viktoriya martın 6-da həbs edilib. Polisin verdiyi məlumata görə, Qudvinin arvadı ərini öldürmək üçün qatilə 11500 dollardan çox pul verməyi planlaşdırıb. Bildirilib ki, 2024-cü ilin oktyabrında o, cinayəti törədəcək şəxsə Kaliforniyada çəkiliş meydançasında işləyən ərinin yerini deyib və 2500 dollar avans ödəyib.
“Ondan boşanmaqdansa, onu bitirmək qərarına gəldim” deyə Viktoriyanın cinayəti törədən şəxsə göndərdiyi mesajlardan birində qeyd olunub.
Polis qatilin telefonunu ələ keçirdikdən və Viktoriya ilə yazışmaları aşkar etdikdən sonra televiziya verilişinin aparıcısına qarşı sui-qəsd hazırlandığını öyrənib.
Televiziya ulduzunun həyat yoldaşı əri ilə münasibət qurmaq istədiyini təkzib edib. O, həmçinin bildirib ki, qatilə qarşıdan gələn cinayətin təfərrüatları ilə mesaj göndərdiyini xatırlamır.
