UEFA Çempionlar Liqasının 1/8 final mərhələsinin cavab görüşləri çərçivəsində “Atletiko Madrid” evində “Real Madrid”i qəbul edib. Oyun gərgin mübarizə şəraitində keçib.
Yenisabah.az xəbər verir ki, matçda yeganə qolu 26-cı dəqiqədə meydan sahiblərinin heyətində Konor Qallaqer vurub. Əsas vaxtda başqa qol olmayıb və görüş bu hesabla yekunlaşıb.
Penaltilər seriyasında isə baxt “kral klubundan” yana olub. 11 metrlik zərbələrdə rəqibindən 4-2 üstün olan “Real” adını növbəti mərhələyə yazdırıb. 1/4 finalda “Real Madrid”in rəqibi “Arsenal” olacaq.
Telegram kanalımız
