ABŞ prezidenti Donald Tramp Nəqliyyat Nazirliyində nazir müavini vəzifəsinə məşhur ürək cərrahı Mehmet Özün bacısı Seval Özün namizədliyini irəli sürüb. Bioloji qardaşların atası Prof. Dr. Mustafa Öz Konyanın Bozkır rayonundandır.
Sherg.az xəbər verir ki, ABŞ Konqresinin saytında dərc olunan namizədlik elanına görə, ABŞ prezidenti Donald Tramp Seval Özü komandasına daxil edib. Tramp bundan əvvəl qardaşı Mehmet Özü Səhiyyə Sığortası Departamentinin rəhbəri vəzifəsinə namizəd kimi irəli sürmüşdü.
Avtonom sürücüsüz nəqliyyat vasitələri üzrə ekspert Seval Öz ABŞ Nəqliyyat Departamentində yeni yaradılmış “katib müavini” vəzifəsinə namizəd göstərilib.
SEVAL ÖZÜN VƏZİFƏSİ NƏ OLACAQ?
Seval Özün namizədliyi Kaliforniya ştatından Senatın Ticarət, Elm və Nəqliyyat Komitəsinə göndərilib. ABŞ-də müxtəlif departamentlər birdən çox katibin müavini ilə fəaliyyət göstərir.
Ağ Ev hələ Özün Nəqliyyat Departamentindəki dəqiq rolunu açıqlamayıb, lakin peşəkar təcrübəsi onun idarədə sürücüsüz avtomobil siyasətinə nəzarət etmək üçün cavabdeh ola biləcəyini göstərir.
SEVAL ÖZ KİMDİR?
Dr. Mehmet Özün bacısı Seval Öz 1961-ci ildə anadan olub. 2011-ci ildə Öz Google-un ABŞ-ın San-Fransisko şəhərindəki baş ofisində menecer vəzifəsində çalışırdı. Öz Wellesley Kollecini bitirib, sonra Massaçusets Texnologiya İnstitutunda (MIT) elektronika üzrə təhsil alıb. Seval Öz özü haqqında məlumat verərkən, "Uzun illər Nyu Yorkda bankçılıq sahəsində çalışmışam. İnvestisiya bankçılığı üzrə mütəxəssisəm. San-Fransiskoda məskunlaşdıqdan sonra maliyyə şirkətlərində işləməyə başladım. Arzum gerçəkləşincə karyerama 4 illik fasilə verdim. Bu arada qardaşım Mehmet Özlə ABŞ-də uşaqların sağlamlıq təhsili ilə bağlı layihəyə başladım" deyə bildirib.
Öz, Türkiyəyə də tez-tez gəldiyini bildirib: "Şübhəsiz ki, ən çox anam, atam və dostlarım üçün darıxıram. Boğaziçi və Kapalıçarşını çox sevirəm. Xalça mağazalarından, parça dükanlarından alış-verişə gedirəm. Ara-sıra paxlava yeyirəm" .
Seval Öz avtomobil nəhəngi Continental-da Ağıllı Nəqliyyat Sistemləri Departamentinin baş direktoru idi. Öz karyerası boyu GoogleX və Cuil kimi şirkətlərdə də çalışıb. Öz vətəndaş cəmiyyəti tərəfində də fəaldır və Endeavour Məsləhət Şurasında, Nyu York Xalq Kitabxanası İdarə Heyətində və Nyu York Türk Amerika Assosiasiyasının İdarə Heyətində fəaliyyət göstərir. Tez-tez texnologiyada qadınların liderliyi mövzusunda təqdimatlar edən Öz, Xarici İşlər Nazirliyinin təşkil etdiyi Qlobal Qadınlar APEC təşəbbüsündə Google-u təmsil edib.
AİLƏSİ KONYA ƏSLİDİR
Mehmet Özün atası Prof. Öz 1959-cu ildə Suna Atabəylə ailə qurub. Onun Mehmet Özdən başqa Seval və Nazlım adlı daha iki qızı var.
Prof. Mustafa Öz 3 oktyabr 1925-ci ildə Konyanın Bozkır rayonunda anadan olub. Pulsuz dövlət internat məktəblərində oxuyub və 1950-ci ildə İstanbul Universitetinin Tibb fakültəsini təqaüdlə bitirib, daha sonra ABŞ-a gedib. Prof. Öz, Klivlenddəki Doktor Xəstəxanasında rezidenturasını tamamlayıb və 1959-cu ildə ümumi cərrah adını alıb. 54 il Amerikada qaldıqdan sonra Türkiyəyə qayıdıb.
MİRAS ÜÇÜN MÜBARİZƏ OLUB
2019-cu ildə atalarının ölümündən sonra övladlar arasında miras mübahisəsi yaranıb. Bacılardan biri olan Nazlım Öz, 2020-ci ildə qardaşının iki mülk üçün 15.000 dollarlıq ümumi aylıq gəlirini onunla bölüşmədiyini iddia edib. Dr. Öz bacısının atasının imzasını saxtalaşdırmaqla gəlir əldə etdiyini də iddia edib. Nazirliyə namizədliyi irəli sürülən Sevval Öz bu işlərdə qardaşı Mehmet Özlə birlikdə hərəkət edərək bacısı Nazlıma qarşı iddia qaldırıb. Dr. Öz və Kaliforniyada yaşayan bacısı Seval Öz də bacılarının Hollandiya, Hindistan və Kayman adalarından atalarının pulunun 2,9 milyon dollarını mənimsədiklərini iddia edərək Nazlım Özə qarşı iddia qaldırıblar. Sarıyerdəki bir malikanə, ata Mustafa Özün banklarda qalan bir çox əmlakı və pulu övladlar arasında bir sıra davalara səbəb olmuşdu.
Trampın Səhiyyə Sığortası Departamentinin rəhbəri vəzifəsinə namizədi Seval Öz. Mehmet Özün bacısı.
Ürək cərrahı və keçmiş televiziya aparıcısı Özün Senatın Maliyyə Komitəsində təsdiqlənməsi dinləməsinin martın 14-ü cümə günü keçiriləcəyi gözlənilir.
Bu sessiya ilə tarixdə ilk dəfə həm Türkiyə, həm də Amerika vətəndaşı olan bir şəxs ABŞ Senatında təsdiq prosesindən keçəcək.
