Serxio Ramosun qolu Meksika klubuna kömək etməyib.
İdman.biz xəbər verir ki, ispaniyalı futbolçunun çıxış etdiyi "Monterrey" CONCACAF Çempionlar kuboku 1/8 final mərhələsinin cavab matçında "Vankuver"lə heç-heçə edib - 2:2.
Ramos 90+7-ci dəqiqədə penaltidən komandasını evdə məğlubiyyətdən xilas edib. Amma bu, növbəti mərhələyə çıxmaq üçün kifayət etməyib. İlk qarşılaşma 1:1 hesabı ilə başa çatdığından, rəqib meydanında daha çox qol vuran Kanada klubu 1/4 finala yüksəlib.
Qeyd edək ki, "Monterrey"də dördüncü oyununu keçirən Ramos 3 qol vurub.
İdman.biz
