111 yaşlı britaniyalı Hilda Lak uzunömürlülüyünün sirrini açıb.
Redaktor.az-ın məlumatına görə, bu barədə "Need To Know" xəbər verib.
Böyük Britaniya sakini, 1914-cü ildə Kentdə anadan olub. Birinci Dünya müharibəsinin başlamasından sonra Lak ailəsi Şotlandiyaya köçüb və atası burada gəmiqayırma zavodunda işləyirmiş. İkinci Dünya müharibəsi zamanı Hilda Çatamdakı gəmiqayırma zavodunda qaynaqçı işləyib. Məhz orada gələcək əri ilə tanış olub. Onlar Reynhemə köçüblər və iki oğlunun valideynləri olublar.
İndi Lak əri ilə yaşadığı evdə yaşayır. Yaşına baxmayaraq, qadın tamamilə müstəqildir. Hilda uzunömürlü olmasının səbəbi kimi şokolad sevgisini və sevgi romanlarını oxumasını göstərib. Bundan əlavə, o, heç vaxt siqaret çəkməyib və spirtli içki içməyib.
"Need To Know"a görə, Lak İngiltərədəki altıncı ən yaşlı insandır. Birinci yeri 2024-cü ilin avqustunda 115 yaşı tamam olan Ethel May Katerham tutur.
Turan İSMAYIL
