Federasiya Şurasının Beynəlxalq Komitəsi rəhbərinin birinci müavini Vladimir Cabarov Polşa prezidenti Anjey Dudanın respublika ərazisində nüvə silahı yerləşdirmək istəyinə cavab verib.
NOCOMMENT.az bu barədə Lenta.ru-ya istinadən xəbər verir.
Bundan əvvəl məlum olub ki, Duda ABŞ prezidenti Donald Trampın Rusiya və Ukrayna üzrə xüsusi nümayəndəsi Keyt Kelloqla Qərbi Avropadan nüvə silahının respublika ərazisinə daşınması məsələsini müzakirə edib. Duda izah etdi ki, NATO-nun genişlənməsi fonunda “hərbi alyansın infrastrukturunun şərqə doğru hərəkəti” olmalıdır.
“Polşa ərazisində nüvə silahının olması bu ölkəni vəziyyətin gərginləşəcəyi təqdirdə nüvə zərbəsi üçün potensial hədəfə çevirir. (…) Ümid edirəm ki, polyaklar özlərinə gələcəklər və amerikalılar anlayırlar ki, bu cür dar düşüncəli siyasətçilərə silah təhvil vermək çox təhlükəli bir şeydir”, – Cabarov bildirib.
Martın 7- də Polşanın Baş naziri Donald Tusk deyib ki, Varşava Fransa prezidenti Emmanuel Makronun Avropa İttifaqının (Aİ) nüvə çətiri ideyasının bir hissəsi kimi nüvə silahına çıxış axtarmalıdır.
