"Real" Çempionlar Liqasında iki yeni rekorda imza atıb.
QOL.az xəbər verir ki, komanda bunu ötən gecə 1/8 finalın "Atletiko" ilə cavab oyununda bacarıb.
"Real" görüşdə 0:1 hesabı ilə uduzub. İlk oyunda isə "Real" 2:1 hesablı qələbə qazandığı üçün əlavə vaxt oynanılıb. Bu zaman komandalar fərqlənə bilməyiblər. Penaltilər seriyasında isə "kral klubu" üstün olaraq mərhələ adlayıb - 4:2.
Karlo Ançelottinin baş məşqçisi olduğu komanda tarixində 40-cı dəfə ÇL-in 1/4 finalında mübarizə aparacaq. Daha əvvəl heç bir klub belə göstəriciyə nail olmayıb.
Həmçinin "Real" Çempionlar Liqasında penaltilər seriyasında indiyədək 4 dəfə qalib gəlməyi bacaran ilk klubdur.
Qeyd edək ki, "Real" 1/4 finalda "Arsenal"la qarşılaşacaq.
