Azərbaycan və Suriya XİN rəhbərlərinin telefon danışığı nəzərdə tutulub
“Suriyada Azərbaycan səfirliyi 12 illik fasilədən sonra öz fəaliyyətini bərpa etdi, keçmiş Əsəd rejimi tərəfindən Azərbaycana qarşı atılan qeyri-dost addımlar fonunda səfirlik fəaliyyətini dayandırmışdı”.
APA xəbər verir ki, bunu xarici işlər naziri Ceyhun Bayramov jurnalistlərə açıqlamasında deyib.
O bildirib ki, Azərbaycanla Suriya arasında təmaslar davam edir: “İlk humanitar yardım Suriyaya artıq Azərbaycan tərəfindən göndərilib. Yaxın zamanlarda bizim Suriya XİN-lə telefon danışığımız nəzərdə tutulub”.
Nazir vurğulayıb ki, Suriyanın beynəlxalq münasibətlər sistemində əhəmiyyətli aktora çevrilməsi üçün Azərbaycan da lazımi dəstəyi bundan sonra göstərəcək.
