1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Livan ordusunun əsir götürülərək İsrail ərazisinə aparılan hərbçisi azad edilib və Ras-ən-Nakura sərhəd məntəqəsində BMT-nin Müvəqqəti Qüvvələrinin (UNIFIL) sülhməramlılarına təhvil verilib.
Oxu.Az-ın məlumatına görə, bu barədə Livan ordusunun komandanlığının bəyanatında deyilir.
"Martın 10-da yaralanan və İsrail ərazisinə aparılan əsgər Ziyad Şibli azad edilib. O, müalicə üçün xəstəxanaya göndərilib", - deyə ordunun Mətbuat Xidməti tərəfindən yayılan mətnində bildirilir.
Qeyd edək ki, martın 11-də İsrail xoş niyyət jesti olaraq yanvar və fevral aylarında sərhəd bölgələrində əsir götürülmüş 11 livanlıdan dördünü azad edib. Onlar Ras-ən-Nakurada Beynəlxalq Qızıl Xaç Komitəsinin nümayəndələrinə təhvil veriliblər.
