UEFA Çempionlar Liqasının 1/8 final mərhələsinin cavab oyunları çərçivəsində həftənin ən yaxşı futbolçusunu açıqlayıb.
Futbolpress.az xəbər verir ki, PSJ-nin qapıçısı Canluici Donnarumma bu nominasiyada hamını qabaqlayaraq, ən yaxşı adına layiq görülüb. İtaliyalı futbolçu “Enfild”də “Liverpul”la 120 dəqiqəlik matçda qapını təmiz saxlayıb, həm də penaltilərdə iki zərbəni dəf edib. Donnarummanın performansı PSJ-nin Avropanın ən mühüm klub turnirində 1/4 finala yüksəlməsinə kömək edib.
PSJ Çempionlar Liqasının 1/4 final mərhələsində növbəti dəfə İngiltərənin “Aston Villa” klubu ilə qarşılaşacaq. İlk oyun aprelin 9-da Parisdə, cavab qarşılaşması isə aprelin 15-də Birmingemdə oynanılacaq. Yarımfinalın qalibi “Arsenal” – “Real” cütünün qalibiylə qarşılaşacaq.
