Azərbaycan Dövlət İqtisad Universitetində (UNEC) “Konstitusiya və Suverenlik İli”nə həsr olunmuş “Maliyyə nəzarəti - dövlətin və özəl sektorun konstitusion hüquqlarının qorunmasının təminatçısı kimi” mövzusunda konfrans keçirilib.
Azərbaycan Respublikasının Auditorlar Palatası, UNEC və Azərbaycan İqtisadçılar İttifaqının birgə təşkilatçılığı ilə keçirilən konfransın açılışından öncə iştirakçılar Ümummilli Lider Heydər Əliyevin büstü və UNEC-in şəhid olmuş tələbə və məzunlarının abidəsi önünə gül dəstələri düzərək, əziz xatirələrini ehtiramla yad ediblər.
