“Atletiko”nun hücumçusu Xulian Alvaresin “Real”a penaltilər seriyasında vurduğu qol VAR müdaxiləsindən sonra ləğv edilib.
Futbolpress.az xəbər verir ki, UEFA “Atletiko”nun bu hadisə ilə bağlı etirazı ilə bağlı rəsmi internet saytında açıqlama verib. UEFA Alvaresin topa iki dəfə toxunduğunu açıq-aydın əks etdirən video yayımlayıb. Qaydada deyilir ki, belə halda VAR hakimə qolu ləğv etmək üçün siqnal verməlidir. UEFA-nın da növbəti məsləhətləşmələr aparmağı planlaşdırdığı bildirilir:
“UEFA ikili əlaqənin qəsdən olmadığı halda qaydaya yenidən baxılmasının lazım olub-olmadığını müəyyən etmək üçün FİFA və IFAB ilə müzakirələr aparacaq”.
Xatırladaq ki, “Real” “Atletiko”nu penaltilər seriyasında məğlub edərək Çempionlar Liqasının 1/4 finalına yüksəlib.
