Çin mehmanxanaları və kurortlarından tərəzi quraşdırmaq tələb olunacaq – ölkə hökuməti əhalini arıqlamağa belə həvəsləndirmək istəyir.
AzPost Championat.com- a istinadən xəbər verir ki, Çin Səhiyyə Nazirliyi bəyan edib ki, istirahət zamanı, insanın ən rahat olduğu zaman çəkiyə nəzarət, piylənmənin inkişafının qarşısının alınmasına kömək edəcək və vətəndaşları öz sağlamlıqlarına diqqət yetirməyə ruhlandıracaq.
Bundan əlavə, Çin hökuməti hər kəsin dietoloqdan məsləhət ala biləcəyi və çəki saxlamaq və ya itirmək üçün uyğun qidalanma planı hazırlaya biləcəyi xüsusi klinikalar yaratmaq təşəbbüsü ilə çıxış edib.
İctimai xadimlər bu təşəbbüsü Çində kütləvi piylənmə tendensiyası aşkar edildikdən sonra irəli sürüblər. Beləliklə, artıq 2020-ci ildə yetkin vətəndaşların təxminən üçdə biri artıq çəkidən, 16 faizi isə piylənmədən əziyyət çəkirdi.
