Bilindiyi kimi, federasiyanın yığmanı əmanət etmək istədiyi mütəxəsisslər sırasında Arif Əsədov da var. “Football-plus.az” mövzuyla bağlı təcrübəli məşqçinin fikirlərini öyrəndi:
“AFFA-da U-21-in baş məşqçisi vəzifəsində işləmək istəyib-istəməməyimlə bağlı fikir mübadiləsi apardıq. Belə təklifə müsbət yanaşdığımı bildirdim. Əsas millidə çalışandan sonra U-21-də işləmək, təbii ki, mənim üçün şərəfdi. Bəlkə də kimsə bunun mənim üçün eniş olduğunu deyə bilər, lakin mən belə düşünmürəm. Milli millidi, hər məşqçinin borcudu ki, ona canla-başla qulluq etsin. Lakin bu sırada tək deyiləm. AFFA-nın bu vəzifəyə bir neçə namizədi var. Qərarı İcraiyyə Komitəsi verəcək. Bizə yeni baş məşqçi haqda qərara, kimliyindən asılı olmayaraq, hörmətlə yanaşmaq düşür”.
KƏNAN BAHADIR
