ABŞ Prezidenti Donald Tramp KXDR ilə dialoqu bərpa etmək istədiyini bildirib.
Axar.az xəbər verir ki, bu barədə o, Ağ Evdə keçirdiyi mətbuat konfransında bildirib.
“Əgər mən seçilməsəydim, Hillari Klinton (2016-cı ildə) prezident seçilsəydi, Şimali Koreya ilə nüvə müharibəsi aparacaqdınız”, – Tramp deyib.
Tramp əlavə edib ki, o və Koreya lideri artıq Sinqapur və Vyetnamda görüşüblər:
“Biz yaxşı şəxsi münasibətlər qurduq. Pxenyanla dialoqu davam etdirmək istəyirəm”.
Qeyd edək ki, Tramp İranın dini lideri Xameneiyə də nüvə danışıqlarına dəvət məktubu göndərib.
