Kolorado ştatının Denver hava limanında təyyarənin alovlanmasından sonra "American Airlines" aviaşirkətinə məxsus təyyarədə olan sərnişinlər təxliyyə edilməli olub.
Ucnoqta.az xəbər verir ki, bu barədə Fox News telekanalı hadisə şahidlərinə istinadən məlumat yayıb.
Hadisə martın 14-də baş verib. Yanğının səbəbi və mümkün zərərçəkənlər barədə məlumat hələlik müəyyən edilməyib. Sosial şəbəkələrdə yayılan görüntülərdə sərnişinlərin təcili yardım çıxışları vasitəsilə təyyarəni tərk etdikləri görünür.
Hava limanının və aviaşirkətin nümayəndələri hələlik rəsmi şərh verməyiblər. Hadisənin nəticələrini aradan qaldırmaq üçün xilasedicilər qısa müddətdə hadisə yerinə gəlib.
