2024-cü ilin sonuna Azərbaycanın maliyyə sisteminin aktivləri 68,6 mlrd. manat təşkil edib.
“APA-Economics” xəbər verir ki, kredit təşkilatları ümumi maliyyə sektorunun aktivlərinin 96,8%-nə (66,3 mlrd. manat) sahib olub.
Bank olmayan kredit təşkilatlarının (BOKT) maliyyə sektorunun cəmi aktivlərində payının yüksək olması (19,5%) "Azərbaycan Beynəlxalq Bankı ASC-nin toksik aktivlərinin "Aqrarkredit" QSC BOKT-yə ötürülməsi ilə bağlıdır(toksik aktivlər nəzərə alınmadan "Aqrarkredit QSC"nin cəmi maliyyə sektorunda payı 1,6% təşkil edir). Sığorta sektoru və investisiya şirkətlərinin (idarəetmədə olan aktivlər istisna olmaqla) ümumi maliyyə sistemi aktivlərində payları müvafiq olaraq 3% və 0,2% təşkil edib.
Qeyd edək ki, maliyyə sektorunun cəmi aktivləri "Aqrarkredit QSC"nin aktivləri istinsa olmaqla 51.9 mlrd. manat təşkil edib. Bunun da 94.8%-i (49.2 mlrd. manat) bank sektorunun payına düşüb.
