ABŞ Müdafiə Nazirliyi 1973-cü ildə ABŞ prezidenti Riçard Niksonun sərəncamı ilə yaradılmış Ümumi Qiymətləndirmə Ofisini (ONA) ləğv edib..
Poliqon xəbər verir ki, gələcəkdə mərkəzin hərbi idarənin strateji prioritetləri əsasında yenidən yaradılması planlaşdırılır.
"Müdafiə naziri Ümumi Qiymətləndirmə Ofisinin ləğv edilməsini və Departamentin strateji prioritetlərinə uyğun olaraq onun yenidən qurulması üçün planın hazırlanmasını tapşırıb. Bu qərar, hesabatlılığı və effektivliyi qoruyarkən resurslarımızın ən aktual milli təhlükəsizlik məsələlərinə yönəldilməsini təmin edir", deyə məlumatda qeyd olunub.
Pentaqon əmin edib ki, ləğvetmə idarənin işinə təsir etməyəcək və keçmiş şöbənin bütün əməkdaşları Müdafiə Departamentində digər "kritik vacib" vəzifələrə köçürüləcəklər.
ONA ABŞ-ın hərbi imkanları üçün tendensiyalar, əsas rəqiblər, risklər, imkanlar və gələcək perspektivlərin uzunmüddətli müqayisəli qiymətləndirmələrini aparıb.
Bundan əvvəl Ağ Evin mətbuat katibi Karolin Levitt bildirib ki, ABŞ administrasiyasının fikrincə, "Pentaqonda silkələnmə vaxtıdır". Fevral ayında Birləşmiş Qərargah Rəisləri Komitəsinin sədri Çarlz Braun və daha 5 general və admiral da vəzifələrindən uzaqlaşdırılıb.
Poliqon.info
